ప్రస్తుతం ప్రతి ఒక్కరి మాట RRR గురించి ఉందని చెప్పడంలో అతిశయోక్తి లేదు. బాహుబలి తర్వాత ఎన్టీఆర్, రామ్ చరణ్ హీరోల కాంబోలో రాజమౌళి ఈ సినిమాను రూపొందిస్తుండటం ప్రేక్షకుల్లో పెద్ద ఆతృత నెలకొల్పింది.
పాన్ ఇండియా సినిమాగా రాబోతున్న ఈ చిత్రం కోసం గత కొన్నేళ్లుగా ప్రేక్షకుల ఎదురుచూపులు రోజు రోజుకి పెరుగుతున్న నేపధ్యంలో ఆసక్తికర ట్వీట్ చేసింది RRR టీమ్.
ఈ భారీ సినిమా మొదలుపెట్టి నేటికి సరిగ్గా నాలుగేళ్ళు పూర్తైన సందర్భంగా రాజమౌళి బృందం సోషల్ మీడియాలో ఓ ఇంట్రెస్టింగ్ ఫొటో షేర్ చేస్తూ ట్యాగ్ లైన్ రాశారు. నాలుగేళ్ల క్రిందట ఈ సినిమా అనౌన్స్ చేస్తూ రామ్ చరణ్, ఎన్టీఆర్ ఇద్దరు హీరోలతో కలిసి రాజామౌళి దిగిన ఓ ఫొటో షేర్ చేసిన సంగతి తెలిసిందే, అప్పటినుంచి ఇప్పటి వరకు ఆ ఫొటో సోషల్ మీడియాలో హాల్ చల్ చేస్తూనే ఉంది.
అయితే అదే ఫొటోను తాజాగా మరోసారి పంచుకున్న RRR యూనిట్... సినిమా మొదలు పెట్టి 3 ఏళ్ళు పూర్తి చేసుకున్నాం. ఇప్పుడు 50 రోజుల్లో ఈ సినిమా మ్యాజిక్‌ను రిలీజ్ చెయ్యడానికి సిద్దం చేస్తున్నాం. ఊహించని చిత్ర విచిత్రం... స్నేహానికి చాచిన హస్తం'' అని పేర్కొన్నారు. దీంతో ఈ ట్వీట్ సోషల్ మీడియాలో వైరల్ అవుతోంది, ఆ 50 రోజులు కూడా ఎప్పుడు గడిచిపోతాయంటూ కామెంట్స్ చేస్తున్నారు అభిమానులు.
1920 బ్యాక్‌డ్రాప్‌లో ఫిక్ష‌న‌ల్ పీరియాడిక్ డ్రామాగా రూపొందుతున్న ఈ సినిమాలో అల్లూరి సీతారామరాజుగా రామ్ చరణ్ నటిస్తుండగా, కొమురం భీం రోల్ ఎన్టీఆర్ పోషిస్తున్నారు. ఆలియా భట్, ఒలీవియా మోరిస్ హీరోయిన్లుగా నటిస్తున్నారు. అయితే RRR పై ఎదురు చూపులకు ఫుల్‌స్టాప్ పడే రోజు మరింత దగ్గర పడింది. వ‌చ్చే ఏడాది సంక్రాంతి సందర్భంగా జ‌న‌వ‌రి 7న ప్ర‌పంచ వ్యాప్తంగా RRR మూవీ ప్రేక్షకుల ముందుకు రాబోతోంది.