దేశంలో పవర్స్టార్ ప‌వ‌న్‌క‌ళ్యాణ్‌ ఉన్న క్రేజ్ గురించి చెప్ప‌న‌క్క‌ర్లేదు. ఆయ‌న త‌న గురించి మాట్లాడిన ఓ మాట విని స్టేజ్‌పై కన్నీళ్లు వ‌చ్చేశాయని ఓ ఇంట‌ర్వ్యూలో పవన్ కళ్యాణ్ గురించి మాట్లాడుతూ.. త‌న‌కు ఎదురైన అనుభ‌వాన్ని గుర్తుకు తెచ్చుకున్నారు ఓ సీనియర్ నటుడు.
విల‌న్‌గా, క్యారెక్ట‌ర్ ఆర్టిస్ట్‌గా, క‌మెడియ‌న్‌గా.. ఇలా వైవిద్య‌మైన పాత్ర‌ల్లో న‌టించి మెప్పించిన కోట శ్రీనివాస‌రావు ద‌క్షిణాది చిత్రాల‌తో పాటు బాలీవుడ్‌లోనూ న‌టించి గుర్తింపును ద‌క్కించుకున్నారు. అత్తారింటికి దారేది సినిమా ‘‘విజ‌యోత్స‌వ వేడుక‌లో పవన్ క‌ళ్యాణ్‌గారు అంద‌రి గురించి మాట్లాడారు. నా వ‌ర‌కు వ‌చ్చేస‌రికి, కోట‌గారు చాలా పెద్ద‌వారు. ఆయ‌న గురించి నేనేం మాట్లాడ‌ను. నా వ‌య‌సుగానీ, అనుభ‌వం కానీ స‌రిపోవు’’ అన్నారు. పవన్ క‌ళ్యాన్ అలా అన‌డంతో క‌ళ్ల‌లో నీళ్లు తిరిగాయ‌ట. అక్క‌డున్న అభిమానులు ప‌వ‌ర్ స్టార్ అని అరుస్తున్నారు. అంత క్రేజ్ ఉన్న హీరో త‌న గురించి అలా మాట్లాడ‌టం నాకు చాలా గౌర‌వంగా అనిపించింద‌ని కోట గారు స‌ద‌రు ఇంట‌ర్వ్యూలో తెలిపారు.
అత్తారింటికి దారేది చిత్రాన్ని త్రివిక్ర‌మ్ శ్రీనివాస‌రావు ఈ చిత్రాన్ని డైరెక్ట్ చేశారు. ఆయ‌న పెన్ ప‌వ‌ర్‌కు, పవన్ కళ్యాణ్ స్టార్ దమ్ తోడు కావ‌డంతో సినిమా రికార్డ్ క‌లెక్ష‌న్స్‌ను సాధించింది. ఈ సినిమాలో కోట శ్రీనివాస‌రావు ఓ కీల‌క పాత్ర‌లో న‌టించారు. పాత్ర చిన్న‌దే అయినా త‌న‌దైన న‌ట‌న‌తో పాత్ర‌కు కోట శ్రీనివాస‌రావు న్యాయం చేశారు. రీసెంట్‌గా ఆయ‌న న‌టించిన చిత్రాల్లో కొండ‌పొలం ఒక‌టి. అందులో ఆయ‌న హీరో వైష్ణ‌వ్ తేజ్ పాత్ర‌లో క‌నిపించారు.