ప్రభాస్ హీరోగా 'సలార్' సినిమా భారీ బడ్జెట్ లో పాన్ ఇండియా సినిమాగా రాబోతున్న సంగతి అందరికీ తెలిసిందే. ఈ సినిమా సంబంధించి ఓ ఆసక్తికర అప్‌డేట్ బయటకొచ్చింది.
ఈ సినిమాలో ప్రభాస్ కు విలన్‌గా కన్నడ స్టార్ మధు గురుస్వామిని ఫైనల్ చేశారని తెలుస్తోంది. తాను 'సలార్'లో భాగమవుతున్నట్లు మధు గురుస్వామి స్వయంగా ప్రకటించడంతో ఇన్ని రోజులుగా నెలకొన్న ప్రశ్నకు జవాబు దొరికింది.
తన తరువాత సినిమా 'సలార్' అని, ఈ పెద్ద ప్రాజెక్టులో భాగం కావటం చాలా సంతోషంగా ఉందని సోషల్ మీడియాలో పోస్ట్ చేశారు మధూ గురుస్వామి. ఈ అవకాశాన్ని ఇచ్చిన ప్రశాంత్ నీల్, నిర్మాతలకు ప్రత్యేకంగా కృతజ్ఞతలు తెలుపుతున్నా అని ఆయన పోస్ట్ చేశారు . మధు గురుస్వామి కన్నడ సినీ పరిశ్రమలో నెగిటివ్ షేడ్స్ ఉన్న పాత్రలు చేసి మంచి గుర్తింపు పొందారు.
'సలార్' సినిమా.. హోంబలే ఫిల్మ్స్‌ బ్యానర్‌పై ప్రశాంత్ నీల్ దర్శకత్వంలో రూపొందుతున్న ఈ సినిమాలో ప్రభాస్ సరసన శృతి హాసన్‌ హీరోయిన్‌గా నటిస్తోంది. ఇటీవలే ఈ సినిమా రెగ్యులర్‌ షూటింగ్‌ రామగుండంలో ప్రారంభించారు. త్వరలోనే దీనిపై 'సలార్' టీం అధికారిక ప్రకటన చేయనుందట.