లాక్‌డౌన్ సమయంలో ఓటీటీ లో పలు సినిమాలు రిలీజ్ చేసి, పే పర్ వ్యూ కాన్సెప్ట్ లో టికెట్ వసూలు చేసి లాభాలు చూసిన డైరెక్టర్ రామ్ గోపాల్ వర్మ.
ఇప్పుడు అందుకు పూర్తి భిన్నంగా 'రామ్ లోపాల్ వర్మ' అనే సినిమాను ప్రపంచవ్యాప్తంగా ఉచితంగా ప్రసారం చేయబోతోంది ఊర్వశి ఓటీటీ ప్లాట్ఫాం. అయితే 'ఇనాగురల్ ఆఫర్'గా రామ్ లోపాల్ వర్మ చిత్రాన్ని ఉచితంగా చూపించనుంది 'ఊర్వశి ఓటీటీ'. ప్రముఖ దర్శకుడు వీరు.కె రూపొందించిన ఈ చిత్రంలో షకలక శంకర్, ఆర్లిన్, ముఖ్య పాత్రలుగా పోషించారు.
Also Read: పవన్ కల్యాణ్ నెక్స్ట్ సినిమాలో రానా కాన్ఫర్మ్
డైరెక్టర్ వీరు.కె మాట్లాడుతూ, "ఎంతో ప్రతిష్టాత్మకంగా ప్రారంభమవుతున్న 'ఊర్వశి ఓటిటి' ఇనాగురల్ ఆఫర్‌గా 'రామ్ లోపాల్ వర్మ' స్ట్రీమింగ్ కానుండడం చాలా సంతోషంగా ఉంది. తెలుగు సినిమా స్థాయిని ఎక్కడికో తీసుకువెళ్లిన దర్శకుడు, ఇప్పుడు అదే తెలుగు సినిమా స్థాయి పాతాళంలోకి తొక్కేస్తుండడం జీర్ణించుకోలేక సదరు దర్శకుడిపై ఇప్పటికీ గల గౌరవంతో, ఆవేదనతో, అతని లోపాలను ఎత్తి చూపుతూనే అతని పూర్వ వైభవాన్ని కోరుకుంటూ రూపొందించిన చిత్రం 'రామ్ లోపాల్ వర్మ'. ఈ మూవీ అందరినీ కచ్చితంగా ఆకట్టుకుంటుంది" అన్నారు.