Pushpa Collection Report: పుష్ప సినిమా 17వ రోజు కలెక్షన్ తో పోల్చితే 18వ రోజు కలెక్షన్ చూస్తే 70 శాతం పడిపోయింది. మొత్తానికి పుష్ప సినిమా లాభాల బాటలో పయనిస్తున్నప్పటికీ, ప్రస్తుతం లాంగ్ రన్ డ్రాప్ అయిందని సమాచారం.
సుకుమార్, అల్లు అర్జున్ కాంబోలో వచ్చిన 'పుష్ప' సినిమా థియేటర్స్‌లో సక్సెస్‌ఫుల్ గా నడుస్తున్న సంగతి అందరికీ తెలిసిందే. పుష్ప డిసెంబర్ 17న విడుదలై దాదాపు 15 రోజులపాటు కలెక్షన్స్ పరంగా బాగానే నడిచిన ప్రస్తుతం ఒమిక్రాన్ వైరస్ కారణంగా ఈ సినిమా మెల్లగా డ్రాప్ అవుతోంది. ఈ సినిమా కలెక్షన్స్ 17వ రోజు కలెక్షన్ తో పోల్చితే 18వ రోజు కలెక్షన్ చూస్తే 70 శాతం పడిపోయింది. మొత్తానికి పుష్ప సినిమా లాభాల బాటలో పయనిస్తున్నప్పటికీ లాంగ్ రన్ డ్రాప్ అవ్వడం గమనార్హం.
అటు తెలంగాణ, ఇటు ఆంధ్ర రాష్ట్రాల్లో పుష్ప 18వ రోజు కలెక్షన్స్ చూస్తే.. నైజాం: 14 లక్షలు, ఉత్తరాంధ్ర: 3 లక్షలు, ఈస్ట్ గోదావరి: 2 లక్షలు, వెస్ట్ గోదావరి: 1 లక్ష, కృష్ణా: 2 లక్షలు, గుంటూరు: 2 లక్షలు, నెల్లూరు: 1 లక్ష, సీడెడ్‌: 8 లక్షలు అన్ని ఏరియాల్లో మొత్తం కలిపి 33, లక్షల నెట్, 50 లక్షల గ్రాస్ వసూళ్లను చేసినట్టు ట్రేడ్ వర్గాలు వెల్లడించాయి. పుష్ప కలెక్షన్స్ ఓవరాల్‌గా చూస్తే మాత్రం సినిమా లాభంతో నడుస్తుంది. సుమారు ఈ సినిమా ఇప్పటి వరకు 158 కోట్లకు పైగా కలెక్షన్ చేసింది. దీంతో పుష్ప సినిమా 12 కోట్లకు పైగా లాభాలతో నడుస్తుందని ట్రేడ్ వర్గాలు వెల్లడించాయి. కానీ ఒక్క ఆంధ్రా ప్రాంతం మాత్రం పుష్ప మూవీ నష్టాల్లోనే రన్ అవుతుందని ట్రేడ్ వర్గాల రిపోర్ట్స్ చెబుతున్నాయి.
ఏది మైనా సుకుమార్, అల్లు అర్జున్ కాంబినేషన్ లో హాట్రిక్ హిట్ సినిమాగా పుష్ప ది రైస్ నిలిచింది. సునీల్, రష్మిక మందన, అనసూయ, ప్రధాన పాత్రలు పోషించగా పుష్పరాజ్‌ పాత్రలో అల్లు అర్జున్ అందరిని శభాష్ అనిపించారు. ఇక ఈ సినిమా అతిత్వరలో ఓటీటీలో రిలీజ్ కానుందని తెలుస్తుంది.