Shruti Haasan: శృతిహాసన్ శాంత‌ను హ‌జారికాతో రిలేష‌న్‌లో ఉంది. అతను డూడెల్ ఆర్టిస్ట్‌. మరియు ఆర్గానిక్ సంగీత ప‌రికరాల‌ను సేక‌రిస్తుంటాడు.
క‌మ‌ల్ హాస‌న్ వార‌సురాలు శ్రుతిహాసన్ కేవ‌లం న‌ట‌న‌కే ప‌రిమితం కాలేదు. నిజానికి ఆమె తన కెరీర్‌ను సంగీత ద‌ర్శ‌కురాలిగా స్టార్ట్ చేసింది. అటు పిమ్మ‌ట హీరోయిన్‌గా మారింది. తరువాత తెలుగు, త‌మిళ, హిందీ భాష‌ల్లో సినిమాలు చేస్తూ త‌న‌కంటూ ఓ మంచి గుర్తింపును సొంతం చేసుకుంది. అయితే ఈమె యాక్టింగ్ లో మంచి స్పీడులో ఉన్నప్పుడు బ్రేకులేసింది ఎవ‌రో తెలుసా. శృతిహాసన్ ప్రేమ. మైకేల్ కోర్స‌ల్‌తో ప్రేమలో మునిగిన తన కెరీర్‌పై ఫోక‌స్ పెట్టలేదు. దీంతో శృతిహాసన్ మార్కెట్ అవుట్. స‌రే! అందరూ పెళ్లి చేసుకుని సెటిలైపోతుంద‌ని అనుకున్నారు. అయితే మైకేల్‌కు శ్రుతికి ఏదో మ‌న‌స్ప‌ర్ద‌లు రావ‌డంతో ప్రేమలో బ్రేకులు పడింది. తాజాగా శృతిహాసన్ శాంత‌ను హ‌జారికాతో రిలేష‌న్‌లో ఉంది. అతను డూడెల్ ఆర్టిస్ట్‌. మరియు ఆర్గానిక్ సంగీత ప‌రికరాల‌ను సేక‌రిస్తుంటాడు.
ఇప్పుడు ఒక‌వైపు సినిమాలు, మ‌రో వైపు ప్రేమను బ్యాలెన్స్ చేస్తుంది. అయితే శాంత‌ను తన బాయ్‌ఫ్రెండ్ అని ఎక్క‌డా చెప్ప‌లేదు. ఈ వీడియోను చూస్తే మీరే ఒక నిర్ణయానికి వస్తారు. రీసెంట్‌గా శృతిహాసన్ పోస్ట్ చేసిన వీడియోలో ఓ సాంగ్ ప్లే అవుతుంది. అందులో శ్రుతి హాస‌న్ వెనుక ఉన్న శాంత‌ను ప‌క్క‌కు వ‌చ్చి నిల‌బ‌డ‌గానే శృతిహాసన్ బుగ్గ‌ను అత‌ని బుగ్గ‌కు ఆనించుకుని ముద్దు పెట్టించుకుని కిసుక్కున న‌వ్వేసింది మ‌న శృతి. ఇంతకన్నా వేరే ఏముంది అంటున్నారు సినీ వ‌ర్గాలు.
ఇక సినిమాల విష‌యం చూస్తే ఈ ఏడాది క్రాక్‌, వ‌కీల్ సాబ్‌, లాభం చిత్రాల‌తో ప్రేక్ష‌కుల ముందుకు వ‌చ్చింది. ప్ర‌భాస్‌, ప్ర‌శాంత్ నీల్ కాంబినేష‌న్‌లో రూపొందుతోన్న స‌లార్ సినిమాలో హీరోయిన్‌గా న‌టిస్తోంది. తరువాత నంద‌మూరి బాల‌కృష్ణ హీరోగా గోపీచంద్ మ‌లినేని ద‌ర్శ‌క‌త్వంలో శ్రుతిహాసన్ హీరోయిన్‌గా న‌టిస్తోంది. ఖాళీ స‌మ‌యాల్లో తన బాయ్‌ఫ్రెండ్ శాంత‌ను హ‌జ‌రికాతో కలిసి డూడెల్ ఆర్ట్స్‌లో పాల్గొంటుంది. అలాగే తన అభిరుచికి తగ్గట్టు ప్రైవేట్ ఆల్బ‌మ్స్ చేస్తుంది.