RRR Trailer: ఎన్టీఆర్, చరణ్ హీరోలుగా ఎస్‌.ఎస్‌.రాజమౌళి ద‌ర్శ‌క‌త్వంలో రూపొందుతోన్న పాన్ ఇండియా మూవీ RRR. ఇండియా మొత్తం ఎంతగానో ఆస‌క్తిగా ఎదురుచూస్తోన్న ఈ సినిమాను, వ‌చ్చే జ‌న‌వ‌రి 7న భారీ అంచ‌నాల న‌డుమ విడుద‌లకు సిద్దమౌతుంది.
RRR సెన్సార్ కార్య‌క్ర‌మాల‌ను పూర్తి చేసుకుని యు/ఎ సర్టిఫికేట్‌ను పొందిందని వార్తలు. సినిమా వ్య‌వ‌ధి 3 గంట‌ల 6 నిమిషాల‌ని కూడా టాలీవుడ్ లో వార్తలు బ‌య‌ట‌కు వ‌చ్చాయి. అంతా బాగానే ఉంది కానీ. RRR ట్రైలర్ కోసం ఫ్యాన్స్, ప్రేక్ష‌కులు ఎంతగానో ఎదురుచూస్తున్న సమయం ఇది. అయితే నిజానికి డిసెంబర్ 3న RRR ట్రైల‌ర్‌ను విడుల చేయాలని అనుకున్నారు. కానీ.. ఏమైందో ఏమో కానీ ట్రైలర్ రిలీజ్‌ను వాయిదా వేస్తామ‌ని ప్ర‌క‌టించారు. దీంతో ఫ్యాన్స్ ఊసురుమ‌నుకున్నారు. తాజా సమాచారం మేరకు డిసెంబర్ 9న RRR ట్రైలర్ విడుదల చేయాలని రాజమౌళి అండ్ యూనిట్ భావిస్తున్నారు. RRR ట్రైలర్ విడుదల కోసం ఇటు ఎన్టీఆర్ అభిమానులు. అటు చరణ్ అభిమానులు క‌ళ్లు కాయ‌లు కాచేలా ఎదురుచూస్తున్నారు. మరి ఈసారైతే అనుకున్న టైమ్‌కి పక్కా అని ఇటు సినీ వర్గాలు అటు అభిమానుల నమ్మకం.
ఎన్టీఆర్, రామ్ చ‌ర‌ణ్‌ల‌తో పాటు బాలీవుడ్‌కి చెందిన ఆలియా భ‌ట్‌, అజ‌య్ దేవ‌గ‌ణ్ కీల‌క పాత్ర‌ల్లో న‌టిస్తున్నారు. అటు హాలీవుడ్ నుంచి ఒలివియా మోరిస్‌, అలిస‌న్ డూడి, రే స్టీవెన్ స‌న్ వంటి స్టార్స్ కూడా RRRలో నటించారు. చార్టెడ్ ఫ్లైట్‌లో ఇండియాలోని ప్ర‌ధాన న‌గరాల్లో ప‌ర్య‌టిస్తూ RRRను ప్ర‌మోట్ చేయాలని ద‌ర్శ‌కుడు రాజమౌళి స‌హా ఎంటైర్ యూనిట్ స‌భ్యులు నిర్ణ‌యించుకున్నారు. మొత్తానికి సినిమా భారీ ఎత్తున రిలీజ్ ప్లాన్ జ‌రుగుతుంది.
రూ.400 కోట్ల‌కు పై బ‌డ్జెట్‌తో డివివి ఎంట‌ర్‌టైన్‌మెంట్‌పై డివివి దాన‌య్య ఈ సినిమాను నిర్మిస్తున్నారు. 1920 కాల‌పు బ్రిటీష్ నేప‌థ్యంలో సాగే చిత్ర‌మిది. చ‌రిత్ర‌లో ఎన్న‌డూ క‌ల‌వ‌ని ఇద్ద‌రు యోధులు క‌లిసి బ్రిటీష్ వారిని ఎదిరిస్తే ఎలా ఉంటుంద‌నే ఫిక్ష‌న‌ల్ క‌థాంశంతో సినిమాను తెర‌కెక్కించారు. ప్ర‌పంచ వ్యాప్తంగా దాదాపు ప‌ది వేల థియేట‌ర్స్‌లో సినిమాను విడుదల చేయాలని చిత్ర యూనిట్ ప్లాన్ చేస్తుంది.