Radhe Shyam: యూవీ క్రియేషన్స్ బ్యానర్‌పై పాన్‌ ఇండియా మూవీగా భారీ ఎత్తున తెరకెక్కుతున్న సినిమా రాధే శ్యామ్. తాజాగా ఈ సినిమా నుంచి లవ్ ఆంథెమ్ తెలుగు వర్షన్ రిలీజ్ చేశారు.
ప్రభాస్ హీరోగా, రాధాకృష్ణ దర్శకత్వంలో తెరకెక్కుతున్న సినిమా రాధే శ్యామ్. ఈ సినిమా కోసం దేశ వ్యాప్తంగా అభిమానులు ఎంతో ఆతృతగా ఎదురు చూస్తున్న సినిమా రాధే శ్యామ్. యూవీ క్రియేషన్స్ బ్యానర్‌పై భారీ ఎత్తున తెరకెక్కుతున్న ఈ పాన్‌ ఇండియా సినిమాపై జనాల్లో ఓ రేంజ్ అంచనాలు రెక్కలు కట్టాయి. వీటికి తోడుగా ఎప్పటికప్పుడు చిత్ర యూనిట్ అందిస్తున్న మూవీ అప్‌డేట్స్ అంచనాలు ఆకాశానికి ఎత్తేశాయి. ఈ నేపథ్యంలో తాజాగా ఈ చిత్రం నుంచి లవ్ ఆంథెమ్ తెలుగు వర్షన్ రిలీజ్ చేశారు.
పోయిన బుధవారం హిందీ వెర్షన్‌ని ప్రేక్షకుల ముందుకు తీసుకువచ్చిన చిత్ర యూనిట్ ఇప్పుడు తెలుగుతో పాటు ఇతర భాషల్లోనూ లవ్ ఆంథమ్‌ని ప్రేక్షకులతో షేర్ చేసుకుంది. ప్రేమకథా చిత్రంగా తెరకెక్కుతున్న ఈ సినిమాలో ప్రభాస్ సరసన పూజాహెగ్డే హీరోయిన్‌గా నటిస్తోంది. ఈ ఇద్దరిపై షూట్ చేసిన ఈ రొమాంటిక్ సాంగ్ ‘నగుమోము తారలే’ అంటూ సాగిపోతూ ప్రతి ఆడియన్స్ ని ఆకట్టుకుంటోంది. ఇందులో ఇద్దరి కెమిస్ట్రీతో పాటు ప్రభాస్, పూజా హెగ్డే కిస్ సీన్‌ కూడా ఉంది. ఈ లవ్ సాంగ్ సిద్ద్‌ శ్రీరామ్‌ ఆలపించారు. విడుదలైన కాసేపట్లోనే ఈ సాంగ్ వైరల్‌గా మారింది.
ఈ రాధేశ్యామ్‌’ హిందీ వెర్షన్‌కు మిథున్‌ బాణీలు కడుతున్నారు. మిగిలిన భాషలకు జస్టిన్‌ ప్రభాకరన్ సంగీతం అందిస్తున్నారు. ఈ మూవీలో ప్రభాస్ విక్రమాదిత్య అనే హస్తసాముద్రిక నిపుణుడి పాత్రలో ఆయన కనిపించనున్నారు. పూజాహెగ్డే ప్రేరణ పాత్రలో నటిస్తుండగా భాగ్యశ్రీ, ప్రియదర్శి కీలక పాత్రల్లో కనిపించనున్నారు. జనవరి 14న ఈ చిత్రం ప్రేక్షకుల ముందుకు పాన్‌ ఇండియా సినిమాగా రానుంది.