Prabhas - Balakrishna: ఒకే కెమెరా ముందు ఓటీటీ స్క్రీన్‌పై ఇద్దరు టాప్ హీరోలు కనిపిస్తే ఆ సంచలనాలు ఊహించగలమా. సరిగ్గా అదే ప్లాన్లో ఉన్నారట ఆహా టీమ్. ఓటీటీలో కూడా తన మార్క్ చూపించాలని ఫిక్స్ అయ్యారట అల్లు అరవింద్.
సినీ తారలందరు ఒక్కొక్కరుగా ఓటీటీ తెరపై ఇంట్రస్ట్ చూపిస్తున్నారు. ఈ క్రమంలోనే ప్రభాస్-బాలయ్య కాంబో సెట్ చేస్తూ పక్కా స్కెచ్చేశారని టాలీవుడ్ సమాచారం. ఆహా ఓటీటీ వేదికపై బాలకృష్ణ హోస్ట్‌గా అదిరిపోయే టాక్ షో నడుస్తున్న సంగతి మన అందరికి తెలిసిందే. ఈ షోకు అభిమానుల వైపు నుంచి భారీ రెస్పాన్స్ వస్తోంది. ''అనిపించింది అందాం.. అనుకున్నది చేద్దాం.. ఎవరు ఆపుతారో చూద్దాం'' అనే కొటేషన్ తో నందమూరి నటసింహం తనదైన స్టైల్ తో దూసుకెళ్తున్నారు. నందమూరి బాలయ్య చలాకీతనానికి తోడు గెస్టుల ముచ్చట్లతో ప్రేక్షకులు మస్తు ఎంజాయ్ చేస్తున్నారు.
అన్‌స్టాపబుల్ మెదటి ఎపిసోడ్‌ను మంచు మోహ‌న్‌ బాబు అండ్ ఫ్యామిలీపై షూట్ చేసి ప్రేక్షకుల దృష్టిని షో వైపు మళ్లించింది ఆహా టీమ్.. ఆ పై స్టార్ హీరో నానితో మ్యాజిక్ చేసింది టీమ్. ఇక బ్రహ్మానందంతో ప్రేక్షకులకు కితకితలు పెట్టిస్తూ నవ్వించారు. షోకి మరింత గ్రాండ్ లుక్ వచ్చేలా ఈ సారి మాత్రం ప్రభాస్‌ని గెస్టుగా తీసుకొస్తున్నారట. పాన్ ఇండియా స్టార్ ప్రభాస్ ప్రస్తుతం రాధే శ్యామ్ సినిమాల ప్రమోషన్స్‌లో ఫుల్ బిసీగా ఉన్నారు.. ఆహా వేదికపైకి వచ్చి బాలకృష్ణ సందడితో పందిరి వేయబోతున్నారట. ఇప్పటికే ఇందుకు సంబంధించిన డీల్ పూర్తయిందని, అతి త్వరలోనే ఈ ఎపిసోడ్‌పై ఫుల్ క్లారిటీతో ఆహా టీమ్ రానుందని టాలీవుడ్ లో టపాకాయ పేలింది. ఈ కాంబినేషన్ నిజమైతే ఊహాతీతమే.