మన అందరం RRR సినిమా పై ఎంతో ఆసక్తిగా ఎదురుచూస్తున్న అందరికీ తెలిసిందే. రాజమౌళి రూపొందిస్తున్న ఈ చిత్రాన్ని నిర్మాత డీవీవీ దానయ్య నిర్మిస్తున్నారు. రామ్ చరణ్, ఎన్టీఆర్ హీరోలుగా నటిస్తున్నారు.
ఇప్పటికే విడుదలైన ఈ ఇద్దరి లుక్స్, నాటు నాటు సాంగ్ ఇటు మెగా, అటు నందమూరి అభిమానుల్లో పూనకాలు తెప్పించగా.. అయితే ఈ చిత్రానికి సంబంధించిన కొన్ని సీక్రెట్స్ ఓపెన్ చేస్తూ అంచనాలను రెట్టింపు చేశారు రాజమౌళి. చిత్రంలోని 'జనని' రిలీజ్ సందర్భంగా రాజమౌళి చేసిన కామెంట్స్ RRR మూవీపై ఉన్న క్రేజ్ అమాంతం పెంచేశాయి. ఈ సినిమాలో హై థ్రిల్లింగ్ మూమెంట్స్ ఉంటాయని, హీరో ఇంట్రడక్షన్స్, ఇంటర్వెల్ సీక్వెన్సెస్, యాక్షన్ సీక్వెన్సెస్, ఎమోషనల్ సీక్వెన్సెస్, క్లైమాక్స్ సీన్స్ ఇలా అన్నింటిలో అంతర్లీనంగా ఓ ఎమోషన్ డ్రైవ్ చేస్తుంటుందని చెప్పి అభిమానుల అంచనాలకు రెక్కలు కట్టారు రాజమోళి.
తెలుగు, తమిళ, మలయాళం, కన్నడ, హిందీ భాషల్లో నిర్మిస్తున్న ఈ చిత్రాన్ని 400 కోట్ల భారీ బడ్జెట్‌తో నిర్మిస్తున్నారు. అల్లూరి సీతారామరాజుగా రామ్ చరణ్, కొమురం భీంగా ఎన్టీఆర్ నటించగా. రామ్ చరణ్ సరసాన ఆలియా భ‌ట్, ఎన్టీఆర్‌కు సరసాన ఒలివియా మోరిస్‌, బాలీవుడ్ హీరోయిన్ నటిస్తున్నారు. శ్రీయ కీలక పాత్రలో రానున్నారు. ఈ సినిమాను జనవరి 7వ తేదీన భారీఎత్తున ప్రేక్షకుల ముందుకు రాబోతుంది.