Sai Pallivi-Nani: శ్యామ్ సింగ రాయ్ ప్రమోషన్ లో నాని ఇంట్రస్టింగ్ మాటలు ఇవి. ఎంసీఏ సినిమాలో నేను నాని కారెక్టర్ పోషించాను. సాయి పల్లవి చిన్ని పాత్రలో పోషించింది. దాదాపు ఈ కేరక్టర్లు నిజ జీవితంలో మా పాత్రలకు దగ్గరగానే ఉంటాయి.
రాహుల్ సంకృత్యాన్ దర్శకత్వం, నాని హీరోగా శ్యామ్ సింగ రాయ్ సినిమాలో నటిస్తున్నా సంగతి తెలిసిందే. ప్రొడక్షన్ నెంబర్ వన్ సినిమాగా నిహారిక ఎంటర్టైన్మెంట్స్ బ్యానర్ లో వెంకట్ బోయనపల్లి ఈ సినిమాను నిర్మిస్తున్నారు. ఈ మూవీలో సాయి పల్లవి, మడోన్నా సెబాస్టియన్‌ మరియు కృతి శెట్టిలు హీరోయిన్లుగా నటిస్తున్నారు. డిసెంబర్ 24న ఈ చిత్రాన్ని ప్రపంచ వ్యాప్తంగా విడుదలకు సిద్దం చేస్తున్నారు. అయితే నేపధ్యంలో నేచురల్ స్టార్ నాని బుధవారం రోజు మీడియాతో మాట్లాడుతూ. మామూలుగానే నేను సినిమాలు థియేటర్లో చూసేందుకు ఎక్కువ ఇష్టపడతాను. నేను ఎక్కువ మాట్లాడేది సత్యం థియేటర్ గురించేనని అందరికీ తెలుసు. నేను థియేటర్లో వెనకాల నిల్చుని సినిమాను చూస్తుంటాను. శ్యామ్ సింగ రాయ్‌గా ఇలా రెండేళ్ల తరువాత వస్తున్నందుకు ఎంతగానో ఎగ్జైటింగ్‌గా ఉంది.
పీరియడ్ సినిమాలు తీయాలంటే కథలో చాలా దమ్ముండాలి. పీరియడ్ ఫిల్మ్ లో అన్ని రకాలుగా రిస్క్ ఉంటుంది. శ్యామ్ సింగ రాయ్ సినిమాకు అద్భుతమైన కథతో పాటు మంచి నటీనటులు కూడా దొరికారు. ఇలాంటి కథకు ముఖ్యం మంచి టెక్నీషియన్స్ అయితే కచ్చితంగా ఉండాలి. అలా అన్నీ కలిసి వచ్చినప్పుడు సినిమాను తెరపై అనుకొన్న ఫీల్‌ను తీసుకుని రాగలం. పీరియడ్ సినిమా చూసినప్పుడు ఏవో సెట్లు వేశారు అనిపించదు. మనం ఆ కాలంలోకి వెళ్లినట్టు అనిపిస్తుంది.
ఎంసీఏ సినిమాలో నేను నాని కారెక్టర్ పోషించాను. సాయి పల్లవి చిన్ని పాత్రలో పోషించింది. దాదాపు ఈ కేరక్టర్లు నిజ జీవితంలో మా పాత్రలకు దగ్గరగానే ఉంటాయి. కానీ ఈ సారి మాత్రం సినిమా తీస్తే వేరే ప్రపంచంలోకి తీసుకెళ్లేలా ఉండాలి. ఇక్కడ ఉన్న ప్రపంచానికి దూరంగా ఉండాలి. మరి ఎంతో ఇంటెన్సిటీ ఉన్న కేరక్టర్లు చేయాలని అనుకున్నాం. సరిగ్గా అనుకున్న అలాంటి కథే దొరికింది. ఈ చిత్రంలో ఎక్కువగా శాతం సాయి పల్లవి పై బాధ్యతను మోపినట్టు ఉంటుందని నేచురల్ స్టార్ నాని తన మనసులో మాట చెప్పారు.