ఒకే సినిమాలో తండ్రీకొడుకులు ఇద్దరు పవర్ ఫుల్ రోల్‌‌లో నటిస్తున్న సినిమా 'ఆచార్య'. కొరటాల శివ దర్శకత్వంలో చిరంజీవి హీరోగా నటిస్తుండగా, రామ్ చరణ్ నక్సలైట్‌ సిద్ద పాత్ర పోషిస్తున్నారు. సిద్ధగా చెర్రీ పాత్ర సినిమాకు మేజర్ రోల్ కానుందట.
ప్రస్తుతం ఈ సినిమా 90 శాతానికి పైగా షూటింగ్ పూర్తి చేశారు. ఈ చిత్రాన్ని ఫిబ్రవరి 4న విడుదల చేయడానికి ప్రమోషన్స్ వేగవంతం చేసింది చిత్రయూనిట్.
రామ్ చరణ్ రోల్‌పై చిత్రయూనిట్ బిగ్ అప్‌డేట్ ఇచ్చారు. వచ్చే నవంబర్ 28న సిద్ధ పాత్రలో నటిస్తున్న రామ్ చరణ్ టీజర్ రిలీజ్ చేస్తున్నట్టుగా అధికారిక ప్రకటన ఇస్తూ కొత్త పోస్టర్ రిలీజ్ చేశారు. అటు ఈ పోస్టర్‌ను తన ట్విట్టర్ ఖాతాలో షేర్ చేసిన చిరంజీవి.. 'ధర్మమే సిద్ధ' అంటూ ట్యాగ్ చేశారు. ఇటు రామ్ చరణ్ ట్వీట్ చేస్తూ 'గుర్తుండిపోయే పాత్ర సిద్ధ. అంటూ ట్వీట్ చేశారు.
భారీ బడ్జెట్ నిర్మాణంలో దేవాలయ భూముల స్కామ్ నేపథ్యంలో ఈ సినిమా రూపొందిస్తున్నారు. చిరంజీవి సరసన కాజల్ నటిస్తుండగా, రామ్ చరణ్ సరసన పూజా హెగ్డే హీరోయిన్‌గా నటిస్తోంది. మణిశర్మ సంగీతంలో చిరు డాన్స్ చేయనున్నారు. ఈ సినిమా కమర్షియల్ ఎలిమెంట్స్ జోడిస్తూ బడ్జెట్ ఎక్కడ తగ్గకుండా తెరకెక్కిస్తున్నారు. ఇప్పటికే విడుదలైన టీజర్, సాంగ్స్‌కు భారీ రెస్పాన్స్ వచ్చింది.